Danimarka televiziyasında hicablı qadın
İslam dünyası ilə pozulmuş əlaqələrini bərpa etmək üçün Danimarka yeni addım atmışdır. Belə ki, artıq Danimarkanın D2 ictimai kanalının verlişlərindən birində aprıcı hicablı qadındır. Bu, Fələstin əsilli Əsma Abdulhəmiddir.

Onun  tərəfdaşı Adam Hovlam ilə birlikdə apardığı veriliş  müsəlman və Qərb dünyası arasında əlaqələr, fikir və söz azadlığı kimi məsələləri əhatə etməkfdədir. “Əsma və Adam” adlanan bu proqram ekrana çıxdığı ilk gündən Danimarka ictimaiyyətində bir tərəfli qarşılanmamışdır. Söz azadlığı əsas mövzu olan Əsmanın apardığı proqrama artıq Danimarkalılardan müəyyən etirazlar var. Əsas etiraz  Əsmanın bu proqrama hicabla çıxmasıdır.
“Qadın Azadlığı” cəmiyyətinin rəhbəri Febeki Maniç öz  etirazını belə bildirməkdədir: “Bu verilişə aparıcısı olaraq Əsma Abdulhəmidin seçilməsi danimarkalı qadınların elcə də müsəlman qadınların alçaldılmasıdır. Çünki, Əsma deyir ki, şərəfli qadın hicabsız cəmiyyət arasına çıxa bilməz”. 8 martda təsis edilən bu qadın təşkilatı adı çəkilən kanalı Danimarka müsəlmanlarının dinlərinin təbliğini nümayiş etdirdiyinə görə tənqid etmişdir.
Xarırladaq ki, müsəlman təşkilatlarından birinin üzvü olan Əsma Abdulhəmid  sentyabrdakı  hadisələrdə Rəsulullahı (s) karikatura ilə təhqir edən qəzetə qarşı məhkəmədə iddia qaldırmışdı.
D2 kanalı isə özünü çoxmədəniyyətliliyin tərəfdarı bir kanal kimi müdafiə etmişdir. Proqramın rəhbəri Erni Notekin Fransa xəbər agentliklərindən birinə müsahibəsində demişdir: “Həqiqətən hicablı qadınlar Danimarka cəmiyyətinin bir hissəsini təşkil etməkdədir. Və biz bunu nəzərə almalıyıq” Həqiqətən Danimarkada İslam öz mənsublarının sayına görə Protestantlıqdan sonra ikincidir.
Əsmaya gəldikdə isə o, Danimarkanın müsbət imici üçün bunun edildiyini qəbul etməyərək deyir: “Düşünürəm ki, bu mənim bacarığıma görədir. Hicablı olduğuma görə seçildiyimi təsəvvür etmirəm. Mən sadəcə olaraq Danimarka dilində gözəl danışa və dialoq qura bilirəm.”

4655 dəfə oxunub

İstifadəçi şərhləri

çap versiyası     göndər     yuxarı