“Müsəlmanlarla evlənməkdən uzaq durun”
Vatikanda keçirilən bir toplantıda italiyalı rahib müsəlmanlarla evlənməkdən uzaq durulmasına çağırdı. Səbəbləri isə belədir:Dünya Emiqrantlar Günü münasibəti ilə iki gün bundan əvvəl Vatikan  Mətbuat Mərkəzində...

... təşkil edilən mətbuat konfransında Yepiskop Belotti xristian olanlara bu barədə xəbərdarlıq etdi. İtaliya Katolik Yepiskoplar Təşkilatının Emiqrantlar Komissiyasının sədri Lino Belotti “Müsəlmanlarla evlənmək istədiyiniz zaman tələsməyin.

Müsəlman mədəniyyəti İtaliya və Avropa mədəniyyəti ilə toqquşmadadır. Gələcəkdə ailə qurmağa namizəd olanları belə evliliklər barəsində xəbərdarlıq etsək pis olmaz.” – deyə bildirdi.
Yepiskop Belotti Katolik kilsəsinin müsəlmanlarla evlilikdən uzaq durulmasını tövsiyə etməsini son dərəcə yerində bir münasibət olduğunu qeyd edərək sözlərinə belə davam etdi “Xristianlar və müsəlmanlar arasında qarışıq nikahlar məsələsində ehtiyatlı olmağı mən illərdir söyləyirəm. Çünki müsəlmanlar ər-arvad münasibətləri, qadının ailədə mövqeyi və hüquqları, uşaqların təhsili barəsində fərqli bir anlayışa sahibdirlər. Bu halda nikahı kəsən şəxs olaraq biz keşişlər nə üçün qarışıq ailə qurmaq istəyənlərə xəbərdarlıq etməməliyik?” Katolik kilsəsinin xəbərdarlıqlarına baxmayaraq müsəlmanlarla ailə qurmaq istəyindən vaz keçməyən şəxslərin gələcəkdəki evlilik həyatlarında çətinlik çəkəcəklərini irəli bildirən Belotti “Mən belə cütlüklərə evlənməyin demirəm. Ancaq indidən çətinliklərlə qarşılaşacaqlarının da şüurunda olsunlar. Katoliklikdən kənar bəzi dinlərdə bizimkinə bənzər davranışlar mövcud ola bilər. Ancaq müsəlmanlarda fərqli bir evlilik və qadın anlayışı var. Onlar qadın və kişini bərabər qəbul etmirlər.” – dedi.
Yepiskop Belotti İtaliya Katolik Yepiskoplar Təşkilatının sədri Kamillo Ruininin imzaladığı 25 noyabr 2005 – ci il tarixli bəyannamədə müsəlmanlarla evlilikdən uzaq durulmasına işarə edildiyini qeyd edərək “Avropa mədəniyyətləri zaman keçdikcə bir-birləri ilə necə qaynaşmışlarsa müsəlmanlarda bizim mədəniyyətimizdən müsbət yöndə təsirlənə bilərlər. Bütün müsəlmanların zehniyyətində dəyişiklərin həyata keçirilməsi sülh içərisində bərabər yaşamağı asanlaşdırar” – deyə sözlərinə əlavə etdi.
Katolik Kilsəsinin evlənəcək şəxslərin müsəlmanlarla evlənməkdən vaz keçirməyə yönəlmiş siyasəti uzun zamandır ki, davam edir. Bu istəkdə olan şəxslər əvvəlcə kilsədəki səlahiyyətli adamlar tərəfindən fikrindən daşındırılmağa cəhd edilir. Bu cəhd kifayət etmədikdə evlənəcəyi şəxsin müsəlman olması səbəbi ilə gələcək ailə həyatında ciddi çətinliklərlə qarşılaşacağı təlqin edilir. Rahiblər müsəlmanla nikah kəsilməsinə isə “ən son çarə” olaraq baş vururlar. Ən sonda isə nikahın kilsədə kəsilməsi üçün müsəlman şəxsdən gələcəkdə bu nikahdan doğulacaq uşaqların xaç suyuna salınması üçün öhdəlik tələb edirlər.

4762 dəfə oxunub

İstifadəçi şərhləri

çap versiyası     göndər     yuxarı