Hazırda “Press TV” telekanalında siyasi mövzuların müzakirə olunduğu proqramın aparıcısıyam. Bununla yanaşı, siyasi-analitik məqalələr qələmə alır, bununla yanaşı, müsəlmanları maraqlandıran məsələləri işıqlandırmağa çalışıram. Son dövrlərdə Əfqanıstanın Cəlalabad şəhərində qızlar üçün kitabxana layihəsini başlatmışam. Ötən il təsisçisi olduğum kinostudiyada da bir sıra filmlərin araya ərsəyə gətirilməsi üçün çalışıram. Həmçinin, insan hüquqlarının müdafiəsi işi ilə də məşğul olur və bu çərçivədə dünyanın müxtəlif ölkələrində mühazirə, seminar və konfranslar təşkil edirəm. “Müharibəyə son qoyun” koalisiyasının həqiqi üzvüyəm və imperialist qüvvələrin bəşəriyyətə sülh və demokratiya gətirə bilməyəcəyindən əminəm.

Mən Əfqanıstana yaxınlaşan müharibədən əvvəl ört-basdır edilməyə və gizlədilməyə çalışılan vəziyyəti, eləcə də əfqan xalqının ümidlərini, qorxularını və narahatlığını ortaya çıxarmaq, bununla bağlı reportaj hazırlamaq üçün getdim. 2001-ci il, sentyabr ayının 26-ı idi. “Sandi Ekspress”dəki bu vəzifəyə təyin olunmağım qəfil baş verdi. Mən iki gün sonra Taliban döyüşçüləri tərəfindən ölkəyə şübhəli bir şəkildə casusluq şübhəsi ilə və qeyri-qanuni olaraq, pasportsuz və vizasız daxil olmaqda ittiham olunaraq, saxlanıldım. Bu, həyatımın dəqiqələr içərisində dəyişməsi demək idi, ancaq o zaman həyatımın nə qədər dəyişdiyinə və bunun necə bir təcrübə olduğunu təsəvvür belə etmirdim.
 

Əsirlikdə qaldığım 10 gün ərzində çox qorxdum. Mən Buş və Bleyer tərəfindən aparılan təbliğatın həqiqət olduğunu, Talibanın şeytan, dünyadakı ən qəddar, ən vəhşi rejimə sahib olan, qadınlardan nifrət edən və buna bənzər xüsusları qabarıq olan hərəkat olduğunu zənn edirdim. Onların mənə işkəncə edəciyini, daha sonra isə edam ediləcəyimi güman edirdim. Nəzarətçinin mənimlə olduqca mülayim davranmasına rəğmən çox qorxurdum. Ancaq burada Qərb və Şərq mədəniyyətinin nə qədər fərqli olduğunu öyrəndim. Əsir düşənə qədər Talibanın etdiyi hər bir hərəkəti yanlış şərh edirdim. Məsələn, onların etibarsız olduğunu və öldürüləcəyimi hesab edirdim. Bütün bunlar mənim qərbliliyimdən qaynaqlanan təkəbbürlülüyümdən və cahilliyimdən irəli gəlirdi.

Düzünü desəm, həmişə narahat idim. Ancaq qısa müddət ərzində öldürülmək qorxusuna qalib gələ bildim və bununla üzləşməli olduğumu dərk etdim. Bu fikri qəbul edə bilmək məni çox təəccübləndirirdi.

Həbsxanada olarkən bir şəxs məni İslama dəvət etdi. Mən isə ona belə bir mühüm və həyatımı dəyişdirəcək qərarı həbsxanda qəbul etməyimin qeyri-mümkün olduğunu, lakin buradan sərbəst buraxılacağım təqdirdə Londona qayıtdıqda Quranı oxuyacağıma və İslamı araşdıracağıma dair söz verdim. Əslində, əsirlikdən xilas olmaq üçün orada əfqanlara hər barədə söz verərdim və sərbəst buraxıldıqdan sonra verdiyim sözün üstündə durardım. Mən, Quranı oxuyacağıma və İslamı doğru-dürüst şəkildə araşdıracağıma dair söz verdikdən sonra sərbəst buraxıldım. Sonra isə Quranı oxudum. Bu, mənim həyatımı dəyişdirdi. Özümü yenidən tapdım.

İslamla ilk tanışlığım 1978-ci ildə İstanbul səfərinə təsadüf edir. Həmin zaman mən çox gözəl əl işi olan üzərində Qurandan bir ayə olan qızıl satın almışdım. İslamın primitiv və müsəlman kişilərinin bir çox arvadı və cariyəsi ilə qarışmış bir din olduğunu hesab edirdim.

ABŞ-ın rəhbərliyi altında olan hər iki ölkəyə qarşı hücum da imperialist xarakterlidir. Fikrimcə, İraq zorakılığa doğru yol alır, Əfqanıstanı ələ keçirmək isə heç bir zaman mümkün olmayacaqdır.

Bugün terrora qarşı müharibə bir çox ədalətsiz prinsipləri, qərb kapitalizmi isə bizə zəngin və kasıb arasındakı uçurumu və fərqliliyi gətirdi. Dövrümüzdə, acgözlülük anlayışı ucbatından Amerika köklük ilə mübarizə apardığı bir zamanda dünyanın digər tərəfində insanlar aclıq və lazımi qədər qidalanmamalarından dolayı həyatlarını itirirlər.

Müsəlman dünyasında bir neçə lider istisna olmaqla əksəriyyəti haqsızlıqlara qarşı ayağa qalxmaq və Amerika imperializminə qarşı çıxmaq məsələsində zəiflik nümayiş etdirir. Haqsızlığa və İsrailin Fələstin xalqına qarşı alçaq siyasətinə qarşı çıxan, bunların qarşısında sağlam və qüvvətli bir şəkildə dayanan cəmi bir neçə lider vardır. Bu liderlər Amerika imperializminə boyun əyməyəcəklərini və hər istənilənə “Baş üstə” deyə cavab verməyəcəklərini göstərdilər.

Ultramühafizəkar sekulyarların İslama birbaşa qarşı çıxmalarına və tənqid etmələrinə rəğmən, İslam istər İngiltərədə, istərsə də digər Avropa ölkələrində böyüyür və bu proses davam edəcəkdir. Mənim kimi doğruluq və ədalət məfhumları vasitəsilə İslam dinini qəbul etmiş insanların varlığından dolayı İslam Qərbdə böyüyən ən böyük dindir.

/timeturk/