Türkiyənin “Anadolu” agentliyinin verdiyi məlumata görə, prezident Abdullah Gül Hindistanın paytaxtı Yeni Delhidəki “Humayun Şah” türbəsini və “Qütb” minarəsini ziyarət edib.

Bu zaman onu həyat yoldaşı Xeyrünnisa Gül, nazirlər, millət vəkilləri və bur sıra heyət nümayəndələri müşayiət ediblər.

Gül, əvvəlcə, “Humayun Şah” türbəsinə baş çəkib. Daha sonra isə “Qütb” minarələrini ziyarət edib. Burada ona sözügedən abidələr haqda məlumat veriblər.

Məlumat üçün qeyd edək ki, hər iki abidə Müsəlman-türk Baburlar dövlətinin dövründə inşa edilib. “Humayun Şah” türbəsi 1508-1556-cı illər ərzində Hindistanda hökmdarlıq etmiş Humayun şahın qəbri üzərində tikilib. “Qüvvətü-İslam” məscidinin həyətində yerləşən bu minarənin hündürlüyü 72.5 metrdir.

Hər iki memarlıq abidəsi YUNESCO tərəfindən “Ümumdünya Mədəni İrsi” siyahısına daxil edilib. 

/Anadolu Ajansı/

/AzeriMuslims/

107 dəfə oxunub

İstifadəçi şərhləri

çap versiyası     göndər     yuxarı