Buna səbəb hökumətin üzləşdiyi maliyyə çatışmazlığıdır.

“Bi-Bi-Si” telekanalının verdiyi məlumata görə, Somalinin müvəqqəti hökuməti maliyyə çatışmazlığı ucbatından Avropanın bir neçə ölkəsindəki səfirliklərinin fəaliyyətini dayandıracaq. Müvəqqəti hökumətin Xarici İşlər naziri Əli Əhməd Cəngəli sözügedən telekanala müsahibəsində dost ölkələrdən maliyyə yardımı gözlədiklərini bildirib.

“Ötən il Londonda və Vaşinqtonda olan səfirliklərimizin fəaliyyətini dayandırmaq məcburiyyətində qaldıq. Təkcə Londondakı binanın icarə haqqı 11 min funt-sterlinq təşkil edirdi və bu məbləğə digər xərclər daxil deyildi. Adekvat maliyyələşdirməni təmin edə bilməyəcəyimiz təqdirdə diplomatik missiyanı yerinə yetirməyimiz mümkün olmayacaq”, - deyə Cəngəli bildirib.

Somali XİN rəhbərinin sözlərinə görə, ölkənin Brüsseldəki və Romadakı səfirlikləri hələlik öz fəaliyyətini davam etdirsə də, işçilərin sayı azaldılacaq.

/islamnews/

/AzeriMuslims/

69 dəfə oxunub

İstifadəçi şərhləri

çap versiyası     göndər     yuxarı